NYS Documentation of Isolation Orders Affirmation of Isolation for adults and children who have tested positive for COVID-19 and have been in isolation consistent with NYSDOH guidance. Click here for a fill-in PDF form.
This page is no longer being updated, effective 10/23/2023.
လၢကဘျံးပၤအံၤအလိၤ
P-12 ကၠိတဖၣ်
New York ကီၢ်စဲၣ်မၤကတၢၢ်ကွံာ်လၢအတၢ်လိၣ်ဘၣ်လၢပှၤကိးဂၤဒဲးကဘၣ်ဖျီၣ်နီၣ်ကျၢၢ်ဘၢမဲာ် လၢကတီၤဆိကၠိ-12 တီၤကၠိတဖၣ်ဒီးဖိသၣ်တၢ်ကွၢ်ထွဲကဟုကယာ်အလီၢ်အကျဲတဖၣ်ဖဲမာ်ရှး2, 2022, ဖဲထံၣ်လၢတၢ်ဒိးန့ၢ်ဘၣ်တၢ်ဆါအဃၢ်ဒီးတၢ်ထီၣ်ဘၣ်တၢ်ဆါဟံၣ်အနီၢ်ဂံၢ်စှၤလီၤ,ဒီးတၢ်ဆဲးကသံၣ်ဒီသဒၢအနီၢ်ဂံၢ်အါထီၣ်ဒီးဖိသၣ်ဆံးတဖၣ်ထီၣ်ဘၣ်တၢ်ဆါဟံၣ်စှၤလီၤဖဲမ့ၢ်ကွၢ်လၢကီၢ်စဲၣ်အပူၤအခါန့ၣ်လီၤ. တၢ်ဆၢတဲာ်ဘၣ်ထွဲဒီးတၢ်ဖျီၣ်နီၣ်ကျၢၢ်ဘၢမဲာ်လၢအဒီသဒၢတၢ်ဒိၣ်န့ၢ်ကီၢ်စဲၣ်အတၢ်လိၣ်ဘၣ်တဖၣ်န့ၣ်လီၢ်က၀ီၤတၢ်အိၣ်ဆူၣ်အိၣ်ချ့အ၀ဲၤကျိၤကမၤအီၤဒ်တၢ်နဲၣ်လီၤဃာ်အသိးခီဖျိလီၢ်က၀ီၤတၢ်အိၣ်သးတဖၣ်န့ၣ်လီၤ. တၢ်ကနၣ်ဃုာ်တၢ်ဂ့ၢ်ကီအံၤတၢ်ကြၢးဟ့ၣ်အီၤတုၤသိးထဲသိးလၢအမ့ၢ်တၢ်မၤ၀ဲဒၣ်တၢ်ဒီသဒၢအတၢ်ဖံးတၢ်မၤအပူၤအါထီၣ်,လီၤဆီဒၣ်တၢ်လၢတၢ်မၤကွၢ်သးအပူၤန့ၣ်လီၤ.
NYSDOH ဟ့ၣ်ကူၣ်၀ဲဒၣ်ကၠိဖိတဖၣ်,ပှၤမၤတၢ်ဖိဒီးသရၣ်သမါတဖၣ်ဖျီၣ်နီၣ်ကျၢၢ်ဘၢမဲာ်တဖၣ်ဖဲ-
- အ၀ဲသ့ၣ်တူၢ်ဘၣ်မုာ်ဒိၣ်ထီၣ်ဖဲမ့ၢ်ဖျီၣ်နီၣ်ကျၢၢ်ဘၢမဲာ်လၢနီၢ်တဂၤအတၢ်ဂ့ၢ်တဖၣ်အဂီၢ်အခါန့ၣ်လီၤ.
- အ၀ဲသ့ၣ်အိၣ်လၢဒၢးတဖျၢၣ်ဃီဒီးပှၤတဂၤလၢတၢ်ထံၣ်လၢအအိၣ်ဒီး COVID-19 လၢ 15 မံးနံးမ့တမ့ၢ်ယံာ်န့ၢ်အန့ၣ်ဒီးလၢတၢ်န့ၣ်အဃိအိၣ်ဘၣ်လၢတၢ်ဆါအကျါမ့တမ့ၢ်တၢ်အိၣ်သးအါလၢအိၣ်ဘၣ်လၢတၢ်ဆါအဃၢ်အဃၢ်အကျါအဃိန့ၣ်လီၤ.
- တၢ်သ့ၣ်ညါလၢအအိၣ်ဘၣ်လၢ COVID-19 အဃၢ်အကျါလၢတၢ်အိၣ်သးတမံၤလၢ်လၢ်လၢအပူၤကွံာ် 10 သီအတီၢ်ပူၤန့ၣ်လီၤ.
- အ၀ဲသ့ၣ်မ့ၢ်ပှၤလၢအဂံၢ်တြီဆၢတၢ်ဆါအသနူစၢ်တုၤနးဒီးတဲသကိးဘၣ်ဃးတၢ်လိၣ်ဖျီၣ်နီၣ်ကျၢၢ်ဘၢမဲာ်ဃုာ်ဒီးအ၀ဲသ့ၣ်အတၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အပှၤဟ့ၣ်တၢ်(တဖၣ်)န့ၣ်လီၤ.
မၤနီၣ်
- နီၣ်ကျၢၢ်ဘၢမဲာ်တဖၣ်ကဘၣ်ဘၣ်လိာ်သးဒီးမဲာ်ဂ့ၤဂ့ၤဒီးတၢ်ဖျီၣ်အီၤဘၣ်ဘျီးဘၣ်ဒါ(ကးဘၢနါစ့ၤဒီးကိာ်ပူၤ)ဒီးကြၢးလူၤပိာ်ထွဲ တၢ်နဲၣ်ကျဲလၢနီၣ်ကျၢၢ်ဘၢမဲာ်ဒီးတၢ်ကသါထီၣ်ကသါလီၤပီးလီတဖၣ်န့ၣ်လီၤ.
- တၢ်ဖျီၣ်နီၣ်ကျၢၢ်ဘၢမဲာ်န့ၣ်တၢ်တလိၣ်ဘၣ်အီၤလၢကၠိအသိလ့ၣ်ပဒၢးမ့တမ့ၢ်သိလ့ၣ်ဘဲ(န)အလိၤန့ၣ်လၢၤဘၣ် နီၢ်တဂၤစုာ်စုာ်လၢတၢ်လိၣ်ဘၣ်အီၤလၢအကဖျီၣ်နီၣ်ကျၢၢ်ဘၢမဲာ်တဖၣ်လၢကၠိအပူၤန့ၣ်ကြၢးဖျီၣ်နီၣ်ကျၢၢ်ဘၢမဲာ်ဖဲကၠိအတၢ်တီထီၣ်ဆှၢလီၤအလိၤန့ၣ်လီၤ.
- တၢ်ဖျီၣ်နီၣ်ကျၢၢ်ဘၢမဲာ်န့ၣ်တၢ်လိၣ်ဘၣ်အီၤဖဲတၢ်ဟဲက့ၤကဒါဆူကၠိလၢတၢ်အိၣ်လီၤဖျီၣ်ယံၤဒီးပှၤဂၤ၀ံၤအလီၢ်ခံ 6 သီတုၤလၢ 10 ဖဲဒိးန့ၢ် COVID-19 အတၢ်ဘၣ်ကူဘၣ်ဂာ်၀ံၤအလီၢ်ခံန့ၣ်လီၤ.
- ကၠိတၢ်ကွၢ်ဟုၣ်၀ဲဒၣ်နီၣ်ကျၢၢ်ဘၢမဲာ်အတၢ်လူၤပိာ်မၤထွဲန့ၣ်ကြၢးပညိၣ်လီၤလၢတၢ်ကမၤလီၤတံၢ်ပှၤတဂၤလၢ်လၢ်လၢအဟဲက့ၤကဒါဆူကၠိဖဲဘၣ်ကူဘၣ်ဂာ်ဒီး COVID-19 အသီတခါ၀ံၤအလီၢ်ခံန့ၣ်ဖျီၣ်နီၣ်ကျၢၢ်ဘၢမဲာ်လၢအဘၣ်လိာ်သးဒီးမဲာ်တခါန့ၣ်ဂ့ၤဂ့ၤဘၣ်ဘၣ်စးထီၣ်6-10 န့ၣ်လီၤ.
- ကၠိတဖၣ်လိၣ်မၤကဲထီၣ်"တၢ်ထံၣ်နီၣ်ကျၢၢ်ဘၢမဲာ်ဒ်တၢ်အဂ့ၤတခါအသိး"အခိၣ်ဃၢၤလၢအဆီၣ်ထွဲပှၤလၢအဃုထၢလၢတၢ်ကဖျီၣ်နီၣ်ကျၢၢ်ဘၢမဲာ်ဆူညါတဖၣ်အဂီၢ်လီၤ.
တၢ်ဂ့ၢ်ဒိးသန့ၤတဖၣ်
- တၢ်ထၢနုာ်လီၤပှဲၤနီၣ်ကျၢၢ်ဘၢမဲာ်အတၢ်နဲၣ်ကျဲအသီ ဆူ “တၢ်ဘၢၣ်တီၤ NYSDOH တၢ်နဲၣ်ကျဲလၢတီၤဒၢးအတၢ်နဲၣ်လိတၢ်အဂီၢ်လၢတီၤဖိသၣ်-12 တီၤအကၠိတဖၣ်ဖဲ 2021-2022 ကၠိအနံၣ်” (NYSDOH 3/1/22)
- ညီနုၢ်တၢ်သံကွၢ်စံးဆၢ-ကၠိအတၢ်ဖျီၣ်နီၣ်ကျၢၢ်ဘၢမဲာ်ဒီးတၢ်မၤကွၢ်အတၢ်နဲၣ်ကျဲ (NYSDOH 3/1/22)
တၢ်မၤကွၢ်
တၢ်မၤကွၢ်လၢခိၣ်ရိၣ်နၣ်ဘဲရၢး(စ)န့ၣ်ကဲဒံးတၢ်မၤအကါဒိၣ်တခါလၢတၢ်ကထံၣ်န့ၢ်ပှၤဒိးန့ၢ်ဘၣ်တၢ်ဆါအဃၢ်တဖၣ်ချ့ချ့မ့ၢ်ဒ်သိးအ၀ဲသ့ၣ်အိၣ်လီၤဖျီၣ်ယံၤကွံာ်အသးဒီးပှၤဂၤဒီးဒီသဒၢ COVID-19 အတၢ်ရၤလီၤအသးဆူညါကသ့အဂီၢ်န့ၣ်လီၤ. တၢ်မၤကွၢ်လၢကၠိတဖၣ်အပူၤ နီၢ်ကစၢ်တၢ်မၤကွၢ်တဖၣ်, ဒီး ကျးရိၣ်ဖှိၣ်တၢ်ဟ့ၣ်တၢ်အဒိအလီၢ် န့ၣ်ကအိၣ်ဒံး၀ဲဒၣ်ဆူညါလၢပပှၤတ၀ၢအတၢ်ဃုထၢတဖၣ်အဂီၢ်လီၤ.
တဘျီလၢ်လၢ်ဖဲပှၤတဂၤလၢကၠိအပူၤ – ကၠိဖိ,ပှၤမၤတၢ်ဖိမ့တမ့ၢ်သရၣ်သမါ – အသးနၢၤလၢအအိၣ်ဘၣ်လၢတၢ်ဆါအဃၢ်အကျါမ့တမ့ၢ်တၢ်အိၣ်သးအါလၢအိၣ်ဘၣ်လၢတၢ်ဆါအဃၢ်အကျါန့ၣ်,ပှၤအ၀ဲန့ၣ်ကြၢးမၤကွၢ်အသးလၢ COVID-19 အဂီၢ်လီၤ.
- တၢ်မၤကွၢ်န့ၣ်တၢ်ကြၢးမၤအီၤလၢ 3-5 သီအတီၢ်ပူၤဖဲအိၣ်ဘၣ်လၢတၢ်ဆါအဃၢ်အကျါမ့တမ့ၢ်တၢ်အိၣ်သးအါလၢအိၣ်ဘၣ်လၢတၢ်ဆါအဃၢ်အကျါ၀ံၤအလီၢ်ခံ,ဖဲတၢ်ဆဲးဒီသဒၢသးအတၢ်အိၣ်သးမ့ၢ်အိၣ်ဒ်လဲၣ်ဂ့ၤဒ်လဲၣ်ဂ့ၤအခါန့ၣ်လီၤ.
- ဖဲမၤကွၢ်သးမ့ၢ်အိၣ်ဒီးတၢ်ဆါအဃၢ်န့ၣ် အိၣ်လီၤဖျီၣ်ယံၤကွံာ်အသးဒီးပှၤဂၤ (အိၣ်ဘၣ်လၢဟံၣ်တက့ၢ်).
- ဖဲတၢ်ဆါပနီၣ်တဖၣ်မ့ၢ်အါထီၣ်န့ၣ်,အိၣ်ဘၣ်လၢဟံၣ်ဒီးမၤကွၢ်နသးတသ့ဖဲအသ့လၢအဆိအချ့တက့ၢ်.
မုၢ်၀ဲၤတၢ်ဖံးတၢ်မၤတဖၣ်ဒီးတၢ်ဖံးတၢ်မၤအလီၢ်အကျဲတဖၣ်
Tompkins County နီၣ်ကျၢၢ်ဘၢမဲာ်အတၢ်ဟ့ၣ်ကူၣ်ဟ့ၣ်ဖးတၢ်န့ၣ်တၢ်ပာ်ကတီၢ်ကွံာ်အီၤတုၤလီၤတီၤလီၤဖဲမုၢ်ဆၣ် 28, 2022 န့ၣ်လီၤ. တၢ်အံၤဘၣ်တၢ်မၤအီၤလၢတၢ်ကခီဆၢမၤတၢ်ဒီး CDC တၢ်မၤအတကွီၢ်လၢတၢ်နီၤဖးပာ်ပနီၣ် COVID-19 အဃၢ်အိၣ်လၢပှၤတ၀ၢအပူၤလၢအဒုးနဲၣ်Tompkins Countyန့ၣ်အိၣ်၀ဲဒၣ်လၢတၢ်လီၤပျံၤစှၤအကျါန့ၣ်လီၤ. ပှၤ တ၀ၢအပတီၢ် တၢ်မၤအတကွီၢ်အသီတခါန့ၣ်ပညိၣ်ကွၢ်လီၤတၢ်လၢတၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အတၢ်သ့တၢ်ဘၣ်လၢအဘၣ်တၢ်ထိၣ်ဒွးအီၤခီဖျိတတၢ်ထီၣ်တၢ်ဆါဟံၣ်လၢအသီတဖၣ်ဒီးတၢ်ဆါဟံၣ်အလီၢ်မံလၢအအိၣ်တဖၣ်လၢ 7 သီတၢ်ဆၢကတီၢ်,တဘျီဃီဃုာ်ဒီးတၢ်ဆါအတၢ်အိၣ်အါဂီၢ်ထဲလဲၣ်အဖီခိၣ်န့ၣ်လီၤ.
တၢ်ဟ့ၣ်ကူၣ်န့ၣ်ဟ့ၣ်ကူၣ်တ့ၢ်လံ၀ဲဒၣ်လၢTompkins County အပူၤပှၤကိးဂၤဒဲးဖျီၣ်နီၣ်ကျၢၢ်ဘၢမဲာ်တခါဖဲအိၣ်လၢကမျၢၢ်အလီၢ်အကျဲအဒွဲပူၤလၢအတၢ်ဆဲးကသံၣ်ဒီသဒၢအတၢ်အိၣ်သးမ့ၢ်အိၣ်ဒ်လဲၣ်အခါဒၣ်လဲာ်န့ၣ်လီၤ. NYS ကီၢ်စဲၣ်ဒီတဘ့ၣ်တၢ်သူၣ်ထီၣ်အဒွဲပူၤမုၢ်၀ဲၤနီၣ်ကျၢၢ်ဘၢမဲာ်မ့တမ့ၢ်ကသံၣ်ဒီသဒၢအတၢ်လိၣ်ဘၣ်န့ၣ်တၢ်ထုးကွံာ်အီၤလံ,လၢတၢ်အိၣ်သးလီၤဆီတဖၣ်အဂီၢ်(ကွၢ်ဘၣ် တၢ်လၢလာ်တက့ၢ်).
နီၣ်ကျၢၢ်ဘၢမဲာ်တဖၣ်မ့ၢ်စုက၀ဲၤလၢအတုၤလီၤတီၤလီၤဆူညါဒိၣ်ဒိၣ်လၢတၢ်ကပာ်ပတုာ် COVID-19 အတၢ်ရၤလီၤအသးဒီးပှၤကမျၢၢ်တဖၣ်ဘၣ်သ့ၣ်သ့ၣ် ကဃုထၢတၢ်ဖျီၣ်နီၣ်ကျၢၢ်ဘၢမဲာ်တဘ့ၣ် လၢအဒိးသန့ၤထီၣ်လၢနီၢ်တဂၤစုာ်စုာ်အတၢ်အဲၣ်ဒိးဘၣ်သးအသိးလၢတၢ်သ့ၣ်ညါ၀ဲဒၣ်နီၢ်တဂၤအဂီၢ်တၢ်လီၤပျံၤအပတီၢ်,လၢတအိၣ်ဒီးတၢ်ကွၢ်ပှၤတ၀ၢအဂီၢ်တၢ်လီၤပျံၤအိၣ်ထဲလဲၣ်လၢတၢ်ထံၣ်ဃာ်အီၤအပတီၤအဖီခိၣ်ဘၣ်န့ၣ်လီၤ.
လၢနူယီးကီၢ်စဲၣ်အပူၤ, နီၣ်ကျၢၢ်ဘၢမဲာ်တဖၣ်န့ၣ်တၢ် တလိၣ်ဘၣ်အီၤလၢတၢ်လီၢ်လၢလာ်တဖၣ်အံၤအပူၤလၢၤဘၣ်(တုၤလီၤတီၤလီၤဖဲမုၢ်ဒဲး,လါဖ့ၤဘြူၤအါရံၤ12,2023လီၤ-
- တၢ်အိၣ်ဆူၣ်အိၣ်ချ့အတၢ်ကွၢ်ထွဲကဟုကယာ်အလီၢ်အကျဲခဲလၢာ်လၢအဘၣ်လူၤပိာ်မၤထွဲ Department of Health (တၢ်အိၣ်ဆူၣ်အိၣ်ချ့အ၀ဲၤကျိၤ)အတၢ်ဘျၢတဖၣ်ဒီးကီၢ်စဲၣ်အကရၢကရိအဂၤတဖၣ်ကဘၣ်မၤ၀ဲဒၣ်တၢ်ဖျီၣ်နီၣ်ကျၢၢ်ဘၢမဲာ်ဆူညါန့ၣ်လီၤ. တၢ်အံၤပာ်ဃုာ် Cayuga Medical Center ဒီး Cayuga Medical Associates တၢ်ကူစါယါဘျါအလီၢ်တဖၣ် ဒီး Tompkins County Health Department န့ၣ်လီၤ.
- ပှၤဆူးပှၤဆါတၢ်ကွၢ်ထွဲအလီၢ်တဖၣ်
- တၢ်ဘှီဘၣ်မၤဂ့ၤထီၣ်တၢ်အလီၢ်အကျဲတဖၣ်
- တၢ်ဒုးဃာ်အလီၢ်ခၢၣ်သးတဖၣ်
- ဟံၣ်ဃီတအိၣ်တၢ်အိၣ်ကဒုအလီၢ်တဖၣ်ဒီးဟံၣ်ပူၤဃီပူၤတၢ်စုဆူၣ်ခီၣ်တကးအလီၢ်အကျဲတဖၣ်
- ကမျၢၢ်အဂီၢ်တၢ်တီထီၣ်ဆှၢလီၤဒီးတၢ်ကလဲၤဆူညါတၢ်ဘၢၣ်တီၤအလီၢ်တဖၣ်,ဒ်န့ၣ်အသိးလၢလ့ၣ်မ့ၣ်အူ,ကဘီယူၤဒီးကဘီယူၤပျီလၢအအိၣ်လိၤလိၤဒီးကီၢ်စဲၣ်စၢဖှိၣ်အတၢ်ဘျၢတဖၣ်န့ၣ်လီၤ.
တၢ်လီၢ်တၢ်ကျဲသ့ၣ်တဖၣ်အံၤတၢ်မုၢ်လၢ်၀ဲဒၣ်လၢအကလူၤပိာ်မၤထွဲအပူၤကွံာ်ဖီလစံၣ်လၢတၢ်လိၣ်ဘၣ်အီၤဒီးတၢ်မၤကဲထီၣ်ဃာ်လံအီၤတဖၣ်လၢတၢ်ကဖီၣ်ဂၢၢ်တၢ်ဆူးတၢ်ဆါအတၢ်ဘၣ်ကူဘၣ်ဂာ်,ပာ်ဃုာ် COVID-19, လၢ အစှၤကတၢၢ်တၢ်ကလူၤပိာ်၀ဲဒၣ် CDC အတၢ်နဲၣ်ကျဲ ဒီး တၢ်ဆါအတၢ်ရၤလီၤအသးအပတီၢ်တဖၣ် အသနူ န့ၣ်လီၤ.ကိးဆၢကတီၢ်ဒဲးန့ၣ်,၀ဲၤကျိၤမုၢ်လၢ်၀ဲဒၣ်လၢတၢ်လီၢ်တၢ်ကျဲတဖၣ်အတၢ်ရဲၣ်တၢ်ကျဲၤန့ၣ်ကပာ်ဃုာ်ဖီလစံၣ်တဖၣ်ဒီးတၢ်မၤအကျိၤအကွာ်တဖၣ်လၢတၢ်လိၣ်ဘၣ်အီၤလၢတၢ်က မၤလၢထီၣ်ပှဲၤထီၣ်နီၣ်ကျၢၢ်ဘၢမဲာ်တခါအတၢ်လိၣ်ဘၣ်ဖဲ COVID-19 အတၢ်ရၤလီၤအပတီၢ်မ့ၢ်အိၣ်အါ တုၤတၢ်ထိၣ်ဂဲၤထီၣ်တၢ်ဟ့ၣ်ကူၣ်ဟ့ၣ်ဖးလၢအအိၣ်ဟဲခီဖျိ CDC အခါန့ၣ်လီၤ. ၀ဲၤကျိၤပာ်လီၤတၢ်ဘျၢလၢအဖီခိၣ်တၢ်လီၢ်တဖၣ်ကဆီလီၤစ့ၢ်ကီးတၢ်လိၣ်ဘၣ်တဖၣ်လၢအလဲၤတလၢကွံာ် CDC တၢ်နဲၣ်ကျဲ,လၢအဒိးသန့ၤထီၣ်လၢအ၀ဲသ့ၣ်အတၢ်အိၣ်သးလီၤဆီတဖၣ်အဖီခိၣ်န့ၣ်လီၤ.
တၢ်အိၣ်ဆူၣ်အိၣ်ချ့အတၢ်ကွၢ်ထွဲကဟုကယာ်လၢနူယီးကီၢ်စဲၣ်အပူၤလၢအအိၣ်၀ဲဒၣ်လၢ၀ဲၤကျိၤအတၢ်ထုးထီၣ်တၢ်ဘျၢအပဒိၣ်အချၢ, ပာ်ဃုာ်ကသံၣ်ကသီဒီးမဲအတၢ်ဖံးတၢ်မၤ,န့ၣ်တၢ်ဟ့ၣ်သဆၣ်ထီၣ်အီၤဆူၣ်ဆူၣ်ကလဲာ်လၢအကလူၤပိာ်ထွဲစ့ၢ်ကီး COVID-19 တၢ်ဘၣ်ကူဘၣ်ဂာ်အတၢ်ဒီသဒၢဒီးတၢ်ဖီၣ်ဃံးအတၢ်မၤတဖၣ်န့ၣ်လီၤ.
နူးယီး တၢ်ကွၢ်ထွဲသးပှၢ်အလီၢ်အကျဲတဖၣ် ဘၣ်တၢ်ဟ့ၣ်ကူၣ်ဟ့ၣ်ဖးအီၤခီဖျိ၀ဲၤကျိၤလၢတၢ်ကလူၤပိာ်မၤထွဲ CDC အပှၤတ၀ၢအတၢ်နဲၣ်ကျဲ ဒီး တၢ်နဲၣ်ကျဲလၢတၢ်ကမၤကဲထီၣ်တၢ်အိၣ်ဆိးအတၢ်ဆီလီၤပာ်လီၤတဖၣ်န့ၣ်လီၤ. တၢ်လီၢ်တၢ်ကျဲတဖၣ်ဒီးတၢ်ရဲၣ်တၢ်ကျဲၤတဖၣ်လၢအလဲၤတရံးမၤတၢ်လၢကီၢ်စဲၣ်အကရၢလၢအဂၤတခါအတၢ်စိတၢ်ကမီၤအဖီလာ်န့ၣ်ကလူၤပိာ်တၢ်ဖျီၣ်နီၣ်ကျၢၢ်ဘၢမဲာ်အတၢ်လိၣ်ဘၣ်လၢအဘၣ်ထွဲဒီးကရၢအ၀ဲန့ၣ်န့ၣ်လီၤ.
နီၣ်ကျၢၢ်ဘၢမဲာ်တဖၣ်န့ၣ်တၢ်ဟ့ၣ်ကူၣ်အီၤလၢတၢ်ကဖျီၣ်အီၤဖဲနအိၣ်ဘူးဒီးပှၤလၢအဆူးဆါ,ပှၤလၢဘၣ်သ့ၣ်သ့ၣ်တဆဲးဒီသဒၢဘၣ်အသးဒီး COVID-19, မ့တမ့ၢ်ဃုာ်ဒီးပှၤလၢအအိၣ်ဒီးတၢ်အိၣ်သးအတၢ်လီၤပျံၤလၢအကဆူးဆါထီၣ်နးနးတဖၣ်န့ၣ်လီၤ. တၢ်နဲၣ်ကျဲအံၤဟ့ၣ်ကူၣ်စ့ၢ်ကီး၀ဲဒၣ်လၢနီၣ်ကျၢၢ်ဘၢမဲာ်တဖၣ်န့ၣ်ပှၤလၢအဂံၢ်တြီဆၢတၢ်ဆါအသနူလၢအစၢ်တဖၣ်ဒီးသးပှၢ်တဖၣ်လၢအအိၣ်ဒီးတၢ်အိၣ်သးအတၢ်လီၤပျံၤလၢအနးလၢအကဆူးဆါထီၣ်ဖဲဒိးန့ၢ်တၢ်ဆါအဃၢ်အခါတဖၣ်ကဖျီၣ်အီၤန့ၣ်လီၤ.
တၢ်မၤကွၢ်နီၣ်ကစၢ်အသးန့ၣ်ပာ်ပှၤမၤတၢ်ဖိပူၤပူၤဖျဲးဖျဲးလီၤ.
နီၢ်ကစၢ်တၢ်မၤကွၢ်သး မ့ၢ်တၢ်ဒီသဒၢအစုက၀ဲၤအါခါအကျါတခါလၢပသူအီၤသ့၀ဲဒၣ်လၢတၢ်ကပာ်ကတီၢ် COVID-19 အတၢ်ရၤလီၤအသး,ဃုာ်ဒီးတၢ်ဆဲးဒီသဒၢသး,နီၣ်ကျၢၢ်ဘၢမဲာ်,ဒီးနီၢ်ခိအတၢ်အိၣ်စီၤစုၤလိာ်သးတဖၣ်န့ၣ်လီၤ. အ၀ဲသ့ၣ်ဟ့ၣ်နၤဒီးတၢ်ဂ့ၢ်တၢ်ကျိၤဘၣ်ဃးတၢ်လီၤပျံၤလၢတၢ်ကရၤလီၤဘၣ်ဘဲရၢး(စ)အဃၢ်လၢအဒုးကဲထီၣ် COVID-19 န့ၣ်လီၤ. နီၢ်ကစၢ်တၢ်မၤကွၢ်သးတဖၣ်န့ၣ်အိၣ်၀ဲဒၣ်လၢတလိၣ်ဟ့ၣ်အပှ့ၤဖဲ County တၢ်ဟ့ၣ်လီၤအလီၢ် (ဆီၣ်လီၤဖဲအံၤလၢတၢ်ကထံၣ်န့ၢ်တၢ်နီၤလီၤတၢ်အလီၢ်တဖၣ်) ဒီးတၢ်ပှ့ၤန့ၢ်အီၤလၢလီပှာ်ယဲၤအဖီခိၣ်မ့တမ့ၢ်လၢကသံၣ်ကျးတဖၣ်ဒီးတၢ်ဆါတၢ်ပှ့ၤအကျးတဖၣ်,ဒီးဘၣ်သ့ၣ်သ့ၣ်ကအိၣ်၀ဲဒၣ်လၢကၠိတဖၣ်ဒီးတၢ်ကရၢကရိလၢအဂၤတဖၣ်လၢအပှ့ၤကလံၤတအိၣ်ဘၣ်န့ၣ်လီၤ. မၤန့ၢ်အါထီၣ်တၢ်ဂ့ၢ်တၢ်ကျိၤဖဲအံၤတက့ၢ်.
တၢ်ဟးကသုၣ်တမၤတၢ်လၢတၢ်ဟ့ၣ်အလဲ
A NYS law grants time off for public and private employees to receive any dose of the COVID-19 vaccination, including booster doses. Under the law, employees will be granted up to four hours of excused leave per injection that will not be charged against any other leave the employee has earned or accrued. This legislation was passed and signed in March 2021, and remains in effect through December 31, 2023 (per NYS Labor Law § 196-c).
- ဆီၣ်လီၤဖဲအံၤလၢညီနုၢ်တၢ်သံကွၢ်စံးဆၢတခါ လၢအအိၣ်ဟဲလၢ NYS Department of Labor (နူယီးပှၤမၤတၢ်ဖိအ၀ဲၤကျိၤ) အဂီၢ်တက့ၢ်.
- ဆီၣ်လီၤဖဲအံၤလၢတၢ်ပနီၣ်တခါအဂီၢ် လၢအဘၣ်ထွဲဒီးတၢ်န့ၢ်ဘျုးန့ၢ်ဖှိၣ်
- ဆီၣ်လီၤဖဲအံၤလၢတၢ်ကမၤန့ၢ်တၢ်ဖံးတၢ်မၤအတၢ်သိၣ်တၢ်သီအတၢ်ဟ့ၣ်မၤစၢၤအလံာ်အလၢအပှဲၤတဘ့ၣ်အဂီၢ် (အဆၢဒိၣ် 77 လၢအမ့ၢ်၀ဲဒၣ် 2021 တၢ်သိၣ်တၢ်သီန့ၣ်တက့ၢ်).
လံာ်လဲၢ်တၢ်ကွဲးနီၣ်လၢတၢ်ကအိၣ်လီၤဖျီၣ်ယံၤဒီးပှၤဂၤဒီးတၢ်အိၣ်လီၤဖျီၣ်ကွၢ်ဟုၣ်တၢ်ဆါအတၢ်ကလုၢ်တဖၣ်လၢကရၢသၢဖုတဖုတဖၣ်လၢအပာ်ဃုာ်တၢ်ဖံးတၢ်မၤမ့တမ့ၢ်ကၠိ
ပှၤဒိးန့ၢ်ဘၣ်တၢ်ဆါအဃၢ်အတၢ်ဃုသ့ၣ်ညါန့ၣ်အါတက့ၢ်အိၣ်ကတီၢ်လံအသးလၢပှၤလၢအအိၣ်ဒီးတၢ်ဆါအဃၢ်လၢအသးအိၣ် 18-64 နံၣ်တဖၣ်အဂီၢ်ဒီးနီၢ်တဂၤစုာ်စုာ်န့ၣ်တဒိးန့ၢ်ဘၣ်လီတဲစိတၢ်ကိးဒီးတၢ်အိၣ်လီၤဖျီၣ်စီၤစုၤယံၤဒီးပှၤဂၤအတၢ်ကလုၢ်လၢတၢ်ဆါအပှၤဃုသ့ၣ်ညါတၢ်တဂၤအအိၣ်လၢၤဘၣ်န့ၣ်လီၤ. လၢတၢ်န့ၣ်အလီၢ်,ကလူၤပိာ်ထွဲ၀ဲဒၣ် PCR တၢ်စဲပနီၣ်အိၣ်တၢ်မၤကွၢ်လၢအအိၣ်ဒီးတၢ်ဆါအဃၢ်ခီဖျိအံမ့(လ)မ့တမ့ၢ်လီတၢ်ကစီၣ်အဖုၣ်န့ၣ်လီၤ. လံာ်တီလံာ်မီတဖၣ်လၢတၢ်ရဲၣ်လီၤဃာ်အီၤလၢလာ်န့ၣ်မ့ၢ်တၢ်အုၣ်ကီၤလၢအဖိးသဲစးလၢတၢ်ကဟ့ၣ်ထီၣ်ဆူနတၢ်မၤကစၢ်အအိၣ်မ့တမ့ၢ်ကၠိအအိၣ်လၢနၤမ့တမ့ၢ်ပှၤလၢအဒိးသန့ၤထီၣ်အသးလၢနၤန့ၣ်တၢ်ဟ့ၣ်လံတၢ်ကလုၢ်လၢတၢ်ကအိၣ် လီၤဖျီၣ်အိၣ်စီၤစုၤယံၤဒီးပှၤဂၤ (နမၤကွၢ်နသးအိၣ်ဒီးတၢ်ဆါအဃၢ်) မ့တမ့ၢ် အိၣ်လီၤဖျီၣ်ကွၢ်ဟုၣ်တၢ်ဆါ (နမ့ၢ်ပှၤအိၣ်ဘူးဘၣ်ဒီးပှၤတဂၤလၢအမၤကွၢ်အသးအိၣ်ဒီးတၢ်ဆါအဃၢ်န့ၣ်လီၤ).
- လၢတၢ်ကပာ်ဖျါထီၣ်နီၢ်ကစၢ်အတၢ်မၤကွၢ်သးလၢအအိၣ်ဒီးတၢ်ဆါအဃၢ်ဆူ Tompkins County
- မၤပှဲၤအီၤဒီးတီၣ်ထီၣ်အီၤလၢတၢ်ကပာ်ဖျါနတၢ်မၤကွၢ်အစၢလၢအအိၣ်ဒီးတၢ်ဆါအဃၢ် ဆူ Tompkins County Health Department တက့ၢ်.
- တဘျီဖဲလံာ်တကွီၢ်ဒိအံၤတၢ်တီၣ်ထီၣ်အီၤမ့ၢ်၀ံၤ,နကဒိးန့ၢ်ဘၣ်အံမ့(လ)လၢအိၣ်ပာ်စၢၤတခါဃုာ်ဒီးတၢ်နဲၣ်ကျဲဒီးလံာ်လဲၢ်လၢဆူညါလၢအဘၣ်ထွဲဒီးနတၢ်တီၣ်ထီၣ်တၢ်မၤကွၢ်လၢအအိၣ်ဒီးတၢ်ဆါအဃၢ်ဆူTompkins County Health Department န့ၣ်လီၤ. နတၢ်အိၣ်လီၤဖျီၣ်ယံၤဒီးပှၤဂၤအကတၢၢ်ဖဲယဲၢ်သီတသီလၢနမၤ၀ဲဒၣ်တၢ်မၤကွၢ်မ့တမ့ၢ်ဖဲနတၢ်ဆါပနီၣ်မ့ၢ်စးထီၣ်,တခါခါလၢအကဲထီၣ်ဆိလၢညါန့ၣ်လီၤ. တၢ်လူၤပိာ်ထွဲဆူညါန့ၣ်နတဒိးန့ၢ်ဘၣ်အီၤလၢ TCHD အအိၣ်ဘၣ်.
- ဖဲနမ့ၢ်အိၣ်ထီၣ်ဒီး တၢ်ဆါပနီၣ်တဖၣ် မ့တမ့ၢ်တၢ်ဆါပနီၣ်မ့ၢ်နးထီၣ်အခါ,ဆဲးကျိးဘၣ်နတၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အပှၤဟ့ၣ်တၢ်ဒီးမၤန့ၢ်တၢ်ကွၢ်ထွဲကဟုကယာ်ဆူညါတက့ၢ်.
- NYSDOH လံာ်တီလံာ်မီလူၤပိာ်၀ဲဒၣ်တၢ်မၤကွၢ်အဒၢးလၢအအိၣ်ဒီးတၢ်စဲပနီၣ်လၢအပာ်ဖျါအိၣ်ဒီးတၢ်ဆါအဃၢ်မ့တမ့ၢ်တၢ်အိၣ်ဘူးဘၣ်ဒီးပှၤအိၣ်ဒီးတၢ်ဆါအဃၢ်န့ၣ်လီၤ
- NYSDOH နီၢ်ကစၢ်-တဲလီၢ်တံၢ်တၢ်အိၣ်လီၤဖျီၣ်ယံၤဒီးပှၤဂၤအလံာ်တကွီၢ်ဒိ
- NYSDOH နီၢ်ကစၢ်-တဲလီၢ်တံၢ်တၢ်အိၣ်လီၤဖျီၣ်ကွၢ်ဟုၣ်တၢ်ဆါအလံာ်တကွီၢ်ဒိ
- ဖဲနမ့ၢ်အိၣ်ထီၣ်ဒီးတၢ်ဆါပနီၣ်မ့တမ့ၢ်တၢ်ဆါပနီၣ်တဖၣ်မ့ၢ်နးထီၣ်န့ၣ်,ဆဲးကျိးဘၣ်နတၢ်အိၣ်ဆူၣ်အိၣ်ချ့တၢ်ကွၢ်ထွဲကဟုကယာ်အပှၤဟ့ၣ်တၢ်ဒီးကွၢ်ဃုတၢ်ကွၢ်ထွဲကဟုကယာ်ဆူညါတက့ၢ်.
County Health Advisory (ခီၣ်တံၢ်တၢ်အိၣ်ဆူၣ်အိၣ်ချ့တၢ်ဟ့ၣ်ကူၣ်)
မၤနီၣ်-တၢ်ဟ့ၣ်ကူၣ်တခါအံၤဘၣ်တၢ်ဆိကတီၢ်ကွံာ်အီၤဖဲ ဖ့ၤဘြူၤအါရံၤ 28, 2022 န့ၣ်လီၤ.
Tompkins County Health Department (TCHD) ထုးထီၣ်ဟ့ၣ်တၢ်အိၣ်ဆူၣ်အိၣ်ချ့အတၢ်ဟ့ၣ်ကူၣ်တဖၣ်ဖဲ ယူၤလံ 30, 2021 န့ၣ်လီၤ. တၢ်ဟ့ၣ်ကူၣ်ဟ့ၣ်ဖးအံၤဃဲာ်လီၤဘှါလီၤတၢ်ဖျီၣ်နီၣ်ကျၢၢ်ဘၢမဲာ်လၢလီၢ်အိၣ်လီၢ်ဆိးဖိခဲလၢာ်အဂီၢ်,လၢတအိၣ်ဒီးတၢ်ကွၢ်အတၢ်ဆဲးကသံၣ်ဒီသဒၢအတၢ်အိၣ်သးတဖၣ်ဘၣ်န့ၣ်လီၤ. တၢ်ဟ့ၣ်ကူၣ်ဟ့ၣ်ဖးန့ၣ်တၢ်တီၣ်ထီၣ်ကဒါအီၤအသီတဘျီဖဲ အီကူး 20, 2021 လီၤ. တၢ်နဲၣ်လီၤဆူညါတဖၣ်တၢ်တီၣ်ထီၣ်အီၤဖဲ စဲးပထ့ဘၢၣ် 1, 2021 န့ၣ်လီၤ.
- တၢ် ဟ့ၣ်ကူၣ် တခါအံၤပာ်ဃုာ်လ့ၤတက့ၤတၢ်ကဘၣ်မၤတဖၣ်မ့တမ့ၢ်တၢ်လိၣ်ဘၣ်တဖၣ်လၢအလဲၤတလၢကွံာ်ကတီၢ်အံၤတၢ်ပာ်လီၤလၢတၢ်ကဘၣ်မၤအီၤတဖၣ်လၢအအိၣ်လၢပှၤတဂၤစုာ်စုာ်လၢတဆဲးဒီသဒၢအသးဒီးကသံၣ်ဒီသဒၢကဘၣ်ဖျီၣ်နီၣ်ကျၢၢ်ဘၢမဲာ်တခါဖဲအိၣ်လၢတၢ်သူၣ်ထီၣ်အဒွဲပူၤဒီးဘူးဒီးပှၤအဂၤတဖၣ်အခါအဂီၢ်ဘၣ်.
- တၢ်ဟ့ၣ်ကူၣ်န့ၣ်အခီပညီတမ့ၢ်၀ဲဒၣ်လၢတၢ်ကဆီတလဲ မုၢ်၀ဲၤတၢ်ဖံးတၢ်မၤတခါလၢ်လၢ်အတၢ်ဖံးမၤလဲၤတရံးအသးမ့တမ့ၢ်လၢအလဲၤခီပတာ် New York ကီၢ်စဲၣ်အတၢ်နဲၣ်ကျဲလၢအအိၣ်ပာ်လၢညါန့ၣ်ဘၣ်,အဒိန့ၣ်ပှၤလဲၤအီၣ်တၢ်လၢတၢ်အီၣ်အကျးလၢတၢ်ဒုးဆ့ၣ်နီၤအလီၢ်အကျဲတဖၣ်ထုးကွံာ်အနီၣ်ကျၢၢ်ဘၢမဲာ်မ့တမ့ၢ်ဖဲပှၤမၤတၢ်ဖိတဖၣ်အိၣ်လၢအကစၢ်အ၀ဲၤဒၢးမ့တမ့ၢ်အိၣ်စီၤစုၤယံၤဒီးပှၤအဂၤအခါန့ၣ်လီၤ.
- TCHD ထုးထီၣ်၀ဲဒၣ်တၢ်ဟ့ၣ်ကူၣ်တခါဖဲယူၤလံ 30 သီဖဲပှၤလၢအဒိးန့ၢ်တၢ်ဆါအဃၢ်အသီလၢအအိၣ်လၢလီၢ်က၀ီၤအပူၤအနီၢ်ဂံၢ်တခါတုၤထီၣ် CDC တၢ်ပာ်ပနီၣ်အပတီၢ်လၢအမ့ၢ် “တၢ်ရၤလီၤအသးအဂၢၢ်အကျၢၤ” (ခဲလၢာ်ခဲဆ့ပှၤ 50 ဂၤလၢပှၤလီၢ်အိၣ်လီၢ်ဆိး100,000 ဂၤအကျါလၢ 7 သီအတီၢ်ပူၤန့ၣ်လီၤ). တၢ်ဟ့ၣ်ကူၣ်န့ၣ်ဘၣ်တၢ်တီၣ်ထီၣ်အီၤဖဲအီးကူး 20 သီဖဲ ပှၤတ၀ၢတၢ်ဆါအတၢ်ရၤလီၤအသးအယူာ် လဲၤတလၢကွံာ် 100, ဒီးသုးဃီၤအသးဆူ"တၢ်ရၤလီၤသးအပတီၢ်ထီ"အပတီၢ်အခါန့ၣ်လီၤ. နူယီးကီၢ်စဲၣ်အတၢ်နဲၣ်လီၤဆူညါတအိၣ်ဘၣ်အဖီခိၣ်,ဒီးမ့ၢ်လၢပှၤန့ၢ်တၢ်ဆါအါထီၣ်လၢလီၢ်က၀ီၤအပူၤအဃီ TCHD ဆၢတဲာ်လီၤလၢတၢ်ကဟ့ၣ်သဆၣ်ထီၣ်ပှၤကမျၢၢ်လၢအကဖျီၣ်နီၣ်ကျၢၢ်ဘၢမဲာ်န့ၣ်လီၤ.
- Tompkins County န့ၣ်တပာ်လီၤဆူၣ်တၢ်နဲၣ်လီၤလၢတၢ်ဟ့ၣ်ကူၣ်တခါအံၤအပူၤဘၣ်. တၢ်အံၤဒိးသန့ၤထီၣ်လၢလီၢ်အိၣ်လီၢ်ဆိးဖိတဖၣ်,မုၢ်၀ဲၤတၢ်မၤဒီးတၢ်ကရၢကရိတဖၣ်ကမၤတၢ်လၢအ၀ဲသ့ၣ်တူၢ်ဘၣ်လၢအဖိးမံလၢအ၀ဲသ့ၣ်အဂီၢ်လၢအအိၣ်ဒီးတၢ်ဒိးသန့ၤထီၣ်လၢတၢ်ဂ့ၢ်တၢ်ကျိၤလၢတၢ်ဟ့ၣ်ထီၣ်အီၤအဖီခိၣ်န့ၣ်လီၤ.
တၢ်မၤအကျိၤအကွာ်အဂ့ၤကတၢၢ်တဖၣ်
တၢ်ဖံးတၢ်မၤအကျိၤအကွာ်လၢလာ်ဘၣ်တဘၣ်ကမ့ၢ်တၢ်အဂ့ၤကတၢၢ်လၢမုၢ်၀ဲၤတၢ်ဖံးတၢ်မၤတဖၣ်အဂီၢ်လၢအဘၣ်ထွဲဒီးတၢ်ဟ့ၣ်ကူၣ်တခါအံၤဒီးကတီၢ်အံၤတၢ်ဆါသတြိာ်အတၢ်အိၣ်သးအဖီခိၣ်န့ၣ်လီၤ. ၀ံသးစူၤမၤနီၣ်လၢတၢ်ဆၢကတီၢ်အခဲအံၤန့ၣ်တၢ်သ့ၣ်တဖၣ်အံၤတမ့ၢ်တၢ်လိၣ်ဘၣ်တဖၣ်မ့တမ့ၢ်လ့ၤတက့ၤတၢ်ကဘၣ်မၤအီၤန့ၣ်ဘၣ်-
- နီၣ်ကျၢၢ်ဘၢမဲာ်- ဟ့ၣ်သဆၣ်ထီၣ်မ့တမ့ၢ်တၢ်လိၣ်ဘၣ်လၢတၢ်ကဖျီၣ်နီၣ်ကျၢၢ်ဘၢမဲာ်ခီဖျိပှၤမၤတၢ်ဖိတဖၣ်ဒီးပှၤဟဲသူတၢ်တဖၣ်လၢတအိၣ်ဒီးတၢ်ကွၢ်တၢ်ဆဲးကသံၣ်ဒီသဒၢအတၢ်အိၣ်သးန့ၣ်လီၤ.
- နီၣ်ကျၢၢ်ဘၢမဲာ်အတၢ်နဲၣ်ကျဲ အပနီၣ်တဖၣ် လၢမုၢ်၀ဲၤတၢ်ဖံးတၢ်မၤဒီးကမျၢၢ်အလီၢ်အကျဲတဖၣ်န့ၣ်လီၤ. (လံာ်ပရၢအက့ၢ်အဂီၤ PDF, တၢ်ထုးန့ၢ်လၢတၢ်ဟ့ၣ်ကလီတဖၣ်.)
- ကသံၣ်ဒီသဒၢ- ဟ့ၣ်သဆၣ်မ့တမ့ၢ်လိၣ်ဘၣ်နပှၤမၤတၢ်ဖိဒီး,မ့တမ့ၢ်ပှၤဟဲသူတၢ်လၢတၢ်ကဆဲးဒီသဒၢအသးန့ၣ်လီၤ. ကသံၣ်ဒီသဒၢတဖၣ်ဆဲးဟ့ၣ်တၢ်ဒီသဒၢလၢအတုၤလီၤတီၤလီၤကတၢၢ်လၢတၢ်ကဒီသဒၢထီဒါတၢ်ဆါလၢအနး,တၢ်ထီၣ်ဘၣ်တၢ်ဆါဟံၣ်ဒီးတၢ်သံလၢ COVID-19 န့ၣ်လီၤ.
- တၢ်ဂ့ၢ်တၢ်ကျိၤဘၣ်ဃးလီၢ်က၀ီၤကသံၣ်ဒီသဒၢအကသံၣ်ဒၢးတဖၣ်-ဆီၣ်လီၤဖဲအံၤ.
- ဃ့ထီၣ်ကသံၣ်ဒၢးလၢတၢ်ဟဲအိးထီၣ်တစိၢ်တလီၢ်လၢနတၢ်ဖံးတၢ်မၤအလီၢ်မ့တမ့ၢ်ကရူၢ်အဂီၢ်- ဆီၣ်လီၤဖဲအံၤ.
- တၢ်ဂ့ၢ်တၢ်ကျိၤဘၣ်ဃး နူယီးကီၢ်စဲၣ်ကသံၣ်ဒီသဒၢအကံၢ်အစီထီအတၢ်ပျဲ (New York State’s Vaccine Excelsior Pass), ဆီၣ်လီၤဖဲအံၤ.
- တၢ်မၤကွၢ်- ပှၤမၤတၢ်ဖိတဖၣ်ကြၢးမၤကွၢ်အသးလၢ COVID-19 ဖဲအ၀ဲသ့ၣ်အတၢ်ဆါပနီၣ်ဟဲဖျါထီၣ် တၢ်ဆါပနီၣ်မ့တမ့ၢ်အိၣ်ဘူးဘၣ်ဒီး ပှၤတဂၤဂၤလၢအမၤကွၢ်အသးအိၣ်ဒီး COVID-19 အဃၢ်န့ၣ်လီၤ.
- တၢ်သံကွၢ်မ့တမ့ၢ်တၢ်ဘၣ်ယိၣ်တဖၣ်အဂီၢ်,ဆဲးကျိးဘၣ် tceh@tompkins-co.org or (607) 274-6688.
တၢ်ဒိးသန့ၤအဂီၢ်လီပှာ်ယဲၤဘျးစဲတဖၣ်
- နူယီးကီၢ်စဲၣ်တၢ်ပာ်ဖှိၣ်ဃာ်စဲးဖီကဟၣ်တၢ်မၤလီၢ်အတၢ်နဲၣ်ကျဲတဖၣ်.
- Cornell ဖၠၣ်စိမိၤ COVID-19 တၢ်ခီဆၢအလီၢ်.
- Ithaca ခီလ့ၣ် COVID တၢ်အိၣ်ဆူၣ်အိၣ်ချ့ဒီးတၢ်ပူၤဖျဲး.
- TC3 COVID-19 ဖီလစံၣ်ဒီးတၢ်ဂ့ၢ်ပၢၢ်ထီၣ်လၢခံကတၢၢ်တဖၣ်.
- SUNY တၢ်လူၤကွၢ်ဟုၣ်ပှၤဘၣ်COVID .
- Tompkins County ပှၤကူပှၤကညီအဂံၢ်ထံးတဖၣ်အ၀ဲၤကျိၤ.
