တၢ်မၤအကျိၤအကွာ်တခါအံၤတၢ်သူအီၤလၢကယဲၢ်မ့ၢ်တၢ်ကဒူးကဒ့ၣ်လၢတၢ်တီၣ်ထီၣ်အီၤလၢအဆၢဖိ VI ဒီး ADA (ပာ်ဃုာ်တၢ်ဂ့ၤထီၣ်ကဒါအသဲစးလၢအမ့ၢ်1973, တၢ်နီၤဖး 504အဖီလာ်လၢအဘၣ်ထွဲဒီးတၢ်ရဲၣ်တၢ်ကျဲၤတခါလၢ်လၢ်, တၢ်မၤစၢၤအတၢ်ဖံးတၢ်မၤ, မ့တမ့ၢ်တၢ်ဟူးတၢ်ဂဲၤလၢအဘၣ်တၢ်ပၢဆှၢရဲၣ်ကျဲၤအီၤခီဖျိ Tompkins County တဘျီဃီပာ်ဃုာ်ပှၤဒိးန့ၢ်ဘၣ်ဃုာ်တၢ်,ပှၤတၢၣ်ပီၣ်ဟ့ၣ်ကူၣ်တၢ်တဖၣ်ဒီးပှၤဟံးတၢ်အၢၣ်လီၤလံာ်ဃံးဃာ်ကမၤတၢ်ဒီးအ၀ဲသ့ၣ်တဖၣ်လီၤ.တၢ်မၤအကျိၤအကွာ်တဖၣ်တသမၢ၀ဲဒၣ်ပှၤဆှိးထီၣ်တၢ်အခွဲးအယာ်လၢတၢ်ကတီၣ်ထီၣ်တၢ်ကဒူးကဒ့ၣ်ဖိးသဲစးတဖၣ်ဃုာ်ဒီးကီၢ်စဲၣ်မ့တမ့ၢ်ကီၢ်စဲၣ်စၢဖှိၣ်အကရၢလၢအဂၤတဖၣ်မ့တမ့ၢ်လၢတၢ်ကဃုမၤန့ၢ်သဲစးပှၤဟ့ၣ်ကူၣ်တၢ်လၢတဘၣ်ဃးဒီးပဒိၣ်လၢတၢ်ကဒူးကဒ့ၣ်လၢအမ့ၢ်တၢ်ဆှိးထီၣ်ဘၣ်ထွဲဒီးတၢ်ကွၢ်တလီၤန့ၣ်ဘၣ်လီၤ. Tompkins County ကထဲးဂံၢ်ထဲးဘါအဂ့ၤကတၢၢ်လၢတၢ်ကမၤန့ၢ်တၢ်အစၢဆိဆိလၢတၢ်ကဒူးကဒ့ၣ်တဖၣ်အဂီၢ်လၢစံၣ်ညီၣ်ပီတ့ပတီၢ်အဖုၣ်ကတၢၢ်တသ့ဖဲအသ့န့ၣ်လီၤ.
တၢ်မၤအကျိၤအကွာ်တဖၣ်
1. တီၣ်ထီၣ်တၢ်ကဒူးကဒ့ၣ်တခါလၢတၢ်ကွဲးဃုာ်ဒီးပှၤကဒူးကဒ့ၣ်တၢ်အစုဆဲးပနီၣ်
a. အဆၢဖိ VI တၢ်ကွၢ်တလီၤတၢ်ကဒူးကဒ့ၣ်အလံာ်တကွီၢ်ဒိ (Discrimination Complaint Forms) တဖၣ်န့ၣ်တၢ်မၤန့ၢ်အီၤလၢလီပှာ်ယဲၤအဖီခိၣ် (အိၣ်လၢလာ်)မ့တမ့ၢ်လၢခီၣ်တံၢ်တၢ်ပၢဆှၢရဲၣ်ကျဲၤအ၀ဲၤကျိၤ (Department of County Administration) အအိၣ်သ့လီၤ.
b. တၢ်ကဒူးကဒ့ၣ်တဖၣ်တၢ်ကဘၣ်တီၣ်ထီၣ်အီၤလၢ 180 သီဖဲတၢ်ထံၣ်လၢတၢ်ကွၢ်တလီၤကဲထီၣ်၀ံၤအခါလီၤ.
c. ကွဲးဖျါထီၣ်တသ့ဖဲအသ့အလၢအပှဲၤကတၢၢ်ဃုာ်ဒီးတၢ်ဂ့ၢ်နီၢ်နီၢ်တဖၣ်ဒီးတၢ်မၤအသးလၢအဘၣ်ထွဲဒီးတၢ်ကွၢ်တလီၤအတၢ်ဆှိးထီၣ်န့ၣ်တက့ၢ်.ဖဲအလီၢ်မ့ၢ်အိၣ်,ကီၢ်ရ့ၣ်တၢ်ဒုးလူၤပိာ်မၤထွဲတၢ်ဘျၢအပဒိၣ်, ADA အမူဒါခိၣ်လၢကမၤစၢၤပှၤကဒူးကဒ့ၣ်တၢ်လၢအကကွဲးပတြီာ်တၢ်ကဒူးကဒ့ၣ်န့ၣ်လီၤ.
2. လၢတၢ်ဖံးတၢ်မၤအသီ(10) အတီၢ်ပူၤ,County တၢ်ဒုးလူၤပိာ်မၤထွဲတၢ်ဘျၢအပဒိၣ်,ADA အမူဒါခိၣ်ကဒုးသ့ၣ်ညါအတၢ်ဒိးန့ၢ်ဘၣ်တၢ်ဆှိးထီၣ်,ဒုးသ့ၣ်ညါပှၤကဒူးကဒ့ၣ်တၢ်လၢအဘၣ်ထွဲဒီးတၢ်ဖံးတၢ်မၤလၢတၢ်ဆှၢဃုာ်ကမၤအီၤမ့တမ့ၢ်ဟံးဖီၣ်ထီၣ်လၢတၢ်ကကွၢ်တၢ်ဆှိးထီၣ်ဒီးဟ့ၣ်ကူၣ်ပှၤကဒူးကဒ့ၣ်တၢ်ဒီးတၢ်လီၢ်အဂၤလၢအမၤစၢၤတၢ်သ့လၢအအိၣ်၀ဲဒၣ်တဖၣ်န့ၣ်လီၤ.
3. လၢတၢ်ဖံးတၢ်မၤအသီ (60) ဖဲဒိးန့ၢ်ဘၣ်တၢ်ကဒူးကဒ့ၣ်န့ၣ်, County တၢ်ဒုးလူၤပိာ်မၤထွဲတၢ်ဘျၢအပဒိၣ်,ADA အမူဒါခိၣ်ကမၤ၀ဲဒၣ်တၢ်ဃိထံသ့ၣ်ညါတခါဒီး,ဒိးသန့ၤထီၣ်လၢတၢ်ဂ့ၢ်တၢ်ကျိၤလၢတၢ်ထၢဖှိၣ်အီၤအဖီခိၣ်,ကထုးထီၣ်တၢ်ဟ့ၣ်ကူၣ်ဟ့ၣ်ဖးတခါလၢတၢ်ကဟံးဖီၣ်မၤတၢ်အဂီၢ်လီၤ.
4. လၢတၢ်ဖံးတၢ်မၤအသီ (90) ဖဲဒိးန့ၢ်ဘၣ်တၢ်ကဒူးကဒ့ၣ်န့ၣ်,County တၢ်ဒုးလူၤပိာ်မၤထွဲတၢ်ဘျၢအပဒိၣ်,ADA အမူဒါခိၣ်ကဒုးသ့ၣ်ညါပှၤကဒူးကဒ့ၣ်တၢ်ဒီးတၢ်ဂ့ၢ်လၢအကွဲးအသးဘၣ်ဃးအတၢ်တုၤထီၣ်တၢ်ဆၢတဲာ်လၢခံကတၢၢ်,ပာ်ဃုာ်တၢ်ဟ့ၣ်ထီၣ်တၢ်ထံၣ်တၢ်ပာ်သးလၢအအိၣ်ပာ်ဘၣ်ဃးဒီးတၢ်ဂ့ၢ်န့ၣ်လီၤ.
5. County တၢ်ဒုးလူၤပိာ်မၤထွဲတၢ်ဘျၢအပဒိၣ်,ADA အမူဒါခိၣ်ကမၤတၢ်ရဲၣ်တၢ်ကျဲၤလၢအဖိးမံတဖၣ်လၢတၢ်ကမၤလီၤတံၢ်လၢပှၤလၢတဆူၣ်တချ့တလၢတပှဲၤတဂၤအံၤတၢ်ဟ့ၣ်လီၤအီၤဒီးတၢ်အိၣ်တၢ်ဆိးအိၣ်ကဒုလၢအဂၤ,ဖဲမ့ၢ်ကလိၣ်ဘၣ်လၢတၢ်ကပာ်ဃုာ်ပာ်ဂီၢ်လၢတၢ်ဘၣ်ဒိဘၣ်ထံးအတၢ်မၤအကျိၤအကွာ်တခါအံၤအပူၤအခါန့ၣ်လီၤ.တၢ်ရဲၣ်တၢ်ကျဲၤဒ်သိးအံၤတခါဘၣ်တဘၣ်ကပာ်ဃုာ်,သနာ်က့တမ့ၢ်ထဲတၢ်ဟ့ၣ်ပှၤကျိးထံတၢ်လၢပှၤနၢ်တအၢအဂီၢ်,ဟ့ၣ်ထီၣ်လီလုၤကွီၤလၢပှၤမဲာ်တထံၣ်တၢ်အဂီၢ်မ့တမ့ၢ်မၤလီၤတံၢ်တၢ်လီၢ်တၢ်ကျဲလၢအပူၤဖျဲးဒီးတၢ်နိးတၢ်ဘျးတခါလၢတၢ်ကမၤတၢ်အဂီၢ်န့ၣ်လီၤ.