District Attorney (ကီၢ်ရ့ၣ်အပီၢ်ရီ)အ၀ဲၤဒၢးအံၤဟ့ၣ်လီၤအသးလၢတၢ်ကမၤစၢၤသဲစးကွီၢ်မ့ၣ်အပှၤတူၢ်ဘၣ်တၢ်တဖၣ်လၢအကလဲၤခီဖျိကွံာ်သဲစးကွီၢ်မ့ၣ်အတၢ်တီတၢ်တြၢ်အကျိၤအကွာ်န့ၣ်လီၤ. ပမၤတုၤထီၣ်ဘးဖီတၢၣ်တခါလၢကျိၤကျဲတဘျုးဘိ,ပာ်ဃုာ်-
- ဒုးသ့ၣ်ညါပှၤတူၢ်ဘၣ်တၢ်တဖၣ်ဘၣ်ဃးမ့ၢ်သဲစးကွီၢ်မ့ၣ်အတၢ်ဂ့ၢ်တခါမၤတၢ်ဒ်လဲၣ် – တၢ်အံၤပာ်ဃုာ်တၢ်ရှဲပၠးဘၣ်ဃးသဲစးအတၢ်မၤအကျိၤအကျဲလၢအတဒ်သိးလိာ်အသးတဖၣ် (အဒိ-ကွီၢ်ဘျီၣ်အတၢ်ကနၣ်တၢ်ဂ့ၢ်လၢကစံၣ်ညီၣ်တၢ်အဂီၢ်), သဲစးဂ့ၢ်၀ီတၢ်ကဲထီၣ်အသးလၢတၢ်ကဃဲာ်လီၤဘှါလီၤသဲစးကွီၢ်မ့ၣ်အဂ့ၢ်တခါ (အဒိ- တၢ်အမူးအရၢ်မ့တမ့ၢ်တၢ်ဃ့ကညးလၢတၢ်အၢၣ်လီၤအီၤ) ဒီး,တၢ်စံၣ်ညီၣ်ဆၢတဲာ်န့ၣ်လီၤ.
- တၢ်ဟ့ၣ်ကူၣ်ပှၤတူၢ်ဘၣ်တၢ်တဖၣ်လၢအဘၣ်ဃးဒီးကွီၢ်ဘျီၣ်အမုၢ်နံၤဒီးတၢ်ကဘၣ်ဟဲပာ်ဖျါထီၣ်အသးဆူညါတဖၣ်န့ၣ်လီၤ.
- မၤန့ၢ်တၢ်ထၢနုာ်လီၤမၤစၢၤလၢပှၤတူၢ်ဘၣ်တၢ်တဖၣ်အအိၣ်ဘၣ်ဃးမ့ၢ်အ၀ဲသ့ၣ်အဲၣ်ဒိးထံၣ်လၢတၢ်ရဲၣ်ကျဲၤမၤ၀ဲဒၣ်တၢ်ဂ့ၢ်တခါအံၤဒ်လဲၣ်န့ၣ်လီၤ.
- မၤလီၤတံၢ်ပှၤတူၢ်ဘၣ်တၢ်တဖၣ်ကသ့ပာ်ဖျါထီၣ်အတၢ်ထံၣ်လၢတၢ်ကစံၣ်ညီၣ်ဆၢတဲာ်တၢ်လၢတၢ်ဆၢကတီၢ်လၢအဖိးမံအဂီၢ်န့ၣ်လီၤ.
ပ၀ဲၤဒၢးအမဲာ်ညါ,တၢ်ကရၢကရိအဂၤလၢအဟ့ၣ်တၢ်မၤစၢၤအတၢ်ဖံးတၢ်မၤဆူပှၤတူၢ်ဘၣ်တၢ်တဖၣ်အအိၣ်န့ၣ်အိၣ်၀ဲဒၣ်လီၤ. တၢ်ကရၢကရိတဖၣ်အံၤပာ်ဃုာ်တၢ်လၢလာ်လီၤ-
- The Advocacy Center (တၢ်ကတိၤခဲးတၢ်အလီၢ်ခၢၣ်သး) တၢ်ကရၢကရိတခါအံၤဟ့ၣ်၀ဲဒၣ်တၢ်မၤစၢၤကလီဆူပှၤတူၢ်ဘၣ်ဟံၣ်ပူၤဃီပူၤတၢ်စုဆူၣ်ခီၣ်တကး,တၢ်လူၤပိာ်ပှၤခံမၤတံာ်တာ်တၢ်ဒီးသွံၣ်ထံးအတၢ်မၤတရီတပါန့ၣ်လီၤ. အမဲာ်ညါ, Advocacy Center ပၢၤဃာ်တၢ်ပာ်တၢ်ဂ့ၢ်လၢတၢ်ခူသူၣ်အဖီလစံၣ်တခါဃံးဃံး – ပှၤတူၢ်ဘၣ်တၢ်တဂၤကတိၤတၢ်ဒီးပှၤစဲၣ်နီၤတဂၤလၢ Advocacy Center အပူၤလၢအပှဲၤတၢ်ပာ်တၢ်ဂ့ၢ်လၢတၢ်ခူသူၣ်ဒီးတၢ်ဂ့ၢ်လၢအ၀ဲသ့ၣ်တဲထီၣ်န့ၣ်တၢ်တဒုးသ့ၣ်ညါဟ့ၣ်လီၤဆူပှၤနီတဂၤဘၣ်. လၢတၢ်ကဆဲးကျိး၀ဲဒၣ် Advocacy Center အဂီၢ်, ကွၢ် Advocacy Center ပှာ်ယဲၤဘျးစဲ, ဆီၣ်လီၤ(607) 277-5000 (လၢတၢ်ကဘျးစဲဒီး 24 နၣ်ရံၣ်လီကျိၤအဂီၢ်) မ့တမ့ၢ်ဆီၣ်လီၤ(607) 277-3203 (လၢဂီၤ 9 နၣ်ရံၣ်ဒီးဟါ 5 နၣ်ရံၣ်လၢမုၢ်ဘူၣ်မုၢ်ဒဲးတဖၣ်အဂီၢ်တက့ၢ်).
- Child Abuse Hotline (တၢ်မၤတရီတပါဖိသၣ်အလီကျိၤ) မံၤလၢအဖိးသဲစးမ့ၢ်၀ဲ “Central Register of Child Abuse and Maltreatment” ("လီၢ်ခၢၣ်သးလၢတၢ်ဆဲးလီၤတၢ်ဂ့ၢ်လၢတၢ်မၤတရီတပါဒီးတၢ်မၤကမၣ်ဘၣ်ဖိသၣ်")အလီကျိၤန့ၣ်မ့ၢ် 24-နၣ်ရံၣ်လီကျိၤလၢတၢ်သူအီၤလၢတၢ်ကပာ်ဖျါထီၣ်တၢ်မၤတရီတပါဖိသၣ်လၢတၢ်ဆိကမိၣ်လၢအကဲထီၣ်အသးတခါအဂီၢ်န့ၣ်လီၤ. နဆဲးကျိး၀ဲဒၣ်လီကျိၤတခါအံၤသ့ခီဖျိတၢ်ဆီၣ်လီၤ 1-800-342-3720 န့ၣ်လီၤ. ဖဲနမ့ၢ်ဆိကမိၣ်လၢဖိသၣ်တဂၤမ့ၢ်အိၣ်လၢတၢ်လီၤပျံၤသပှၢ်ကတၢၢ်အပူၤန့ၣ်,ဆီၣ်လီၤ 911 တက့ၢ်.
- Office of Victims' Services (၀ဲၤဒၢးလၢပှၤတူၢ်ဘၣ်တၢ်တဖၣ်အဂီၢ်တၢ်မၤစၢၤအတၢ်ဖံးတၢ်မၤ) Office of Victim Services (OVS) မ့ၢ်ကီၢ်စဲၣ်ဒီတကဘျၣ်တၢ်ကရၢကရိလၢအဟ့ၣ်စ့အီၣ်လိးဆူပှၤတူၢ်ဘၣ်တၢ်လၢအကြၢးဘၣ်တုၤထီၣ်ဘးတၢ်ပာ်ပနီၣ်တဖၣ်လၢအတၢ်သူတၢ်စွဲအကလုာ်ကလုာ်တခါအဂီၢ်လၢအဘၣ်ထွဲဒီးအတၢ်ကဲဘၣ်ပှၤတူၢ်ဘၣ်သဲစးကွီၢ်မ့ၣ်တခါအဃိန့ၣ်လီၤ.
- Inmate Look-up (တၢ်ကွၢ်ဃုဘၣ်ထွဲဒီးပှၤဘၣ်ဃိာ်). Department of Corrections (တၢ်ဘှီဘၣ်မၤဂ့ၤထီၣ်အ၀ဲၤကျိၤ)ပာ်ဃာ်ပှာ်ယဲၤသန့တခါလၢအပျဲပှၤသူတၢ်တဖၣ်ကဆၢတဲာ်တၢ်လီၤဘၣ်တၢ်ဒုးဃာ်အတၢ်အိၣ်သးလၢပှၤတဂၤလၢ်လၢ်လၢအဘၣ်တၢ်စံၣ်ညီၣ်အီၤလၢအကဘၣ်အိၣ်လၢဃိာ်လၢနူယီးအပူၤန့ၣ်လီၤ. တၢ်ဂ့ၢ်တၢ်ကျိၤတခါအံၤပာ်ဃုာ်မုၢ်နံၤလၢတၢ်စံၣ်ညီၣ်,တၢ်စံၣ်ညီၣ်အဆၢကတီၢ်အယူာ်ဒီးတၢ်ကပျၢ်လီၤက့ၤအဆိကတၢၢ်အမုၢ်နံၤန့ၣ်လီၤ.