ပှၤဂ့ၢ်၀ီခွဲးယာ်အ၀ဲၤဒၢး (Office of Human Rights)

ဘၣ်ဒုးအိၣ်ထီၣ်အီၤဖဲ 1963 နံၣ်, Office of Human Rights မ့ၢ် Tompkins ကီၢ်ရ့ၣ် (Tompkins County) အထံဖိကီၢ်ဖိဒီးပှၤဂ့ၢ်၀ီခွဲးယာ်တၢ်ကူၣ်ဘၣ်ကူၣ်သ့ဒီးတၢ်လီၤမၤစၢၤတၢ်အကရၢလီၤ. 

ပတၢ်မုၢ်လၢ်ကွၢ်စိ

မၤတၢ်လၢအတၢ်ကမၤဟးမၢ်ကွံာ်ဒီးတြီတၢ်ကွၢ်တလီၤထီဒါလၢတဖိးသဲစးဒီးဒ်သိးကမၤလလဲၤထီၣ်လဲၤထီဒီးရဲၣ်ကျဲၤပၢဆှၢ County-ဒီတဘ့ၣ်တၢ်ရဲၣ်တၢ်ကျဲၤတဖၣ်လၢအမၤအါထီၣ်တၢ်သ့ၣ်ညါဘၣ်ဃးဒီးပှၤဂ့ၢ်၀ီခွဲးယာ်ဒီးပှၤဂ့ၢ်၀ီတၢ်တီတၢ်တြၢ်တၢ်ဆိကမိၣ်လၢအဂ့ၤတဖၣ်န့ၣ်လီၤ.

ပမၤလၢပှဲၤပတၢ်မုၢ်လၢ်ကွၢ်စိခီဖျိတၢ်ဖံးတၢ်မၤ,တၢ်ရဲၣ်တၢ်ကျဲၤဒီးတၢ်မၤအကျဲခိၣ်သ့ၣ်လၢလာ်တဖၣ်လီၤ-

ထံဖိကီၢ်ဖိဒီးပှၤဂ့ၢ်၀ီခွဲးယာ်

ကဆီၣ်ထွဲပှၤတဂၤစုာ်စုာ်လၢအနာ်လၢအထံဖိကီၢ်ဖိဒီးပှၤဂ့ၢ်၀ီခွဲးယာ်န့ၣ်ဘၣ်တၢ်မၤဟးဂီၤအီၤ,ပရဲၣ်ကျဲၤပၢဆှၢတၢ်တီၣ်ထီၣ်အ၀ဲသ့ၣ်အတၢ်ကဒူးကသ့ၣ်တဖၣ်ဆူနူယီးကီၢ်စဲၣ်ပှၤဂ့ၢ်၀ီခွဲးယာ်အ၀ဲၤဒ့ (New York State Division of Human Rights, NYSDHR)အအိၣ်လီၤ. တၢ်ရဲၣ်ကျဲၤပၢဆှၢတခါအံၤကဲထီၣ်အသးလၢ၀ဲၤဒၢးအပူၤလီၤ. NYSDHR ဒီသဒၢကမျၢၢ်လၢတၢ်ကွၢ်တလီၤထီဒါလၢတဖိးသဲစးလၢအအိၣ်လၢတၢ်ဖံးတၢ်မၤ,ဟံၣ်ဃီအိၣ်ဆိးလီၢ်,ခရဲဒံး,ကမျၢၢ်တၢ်အိၣ်ကဒုအလီၢ်တဖၣ်, မုာ်သးမၤကလီမ့ၣ်အူအ၀ဲၤကျိၤတဖၣ်, တၢ်အဒူၣ်အဆၢတအိၣ်တၢ်ကူၣ်ဘၣ်ကူၣ်သ့အကရၢတဖၣ်,ဒီးဒိးသန့ၤထီၣ်လၢသးနံၣ်,တၢ်ဘူၣ်တၢ်ဘါ,ဒူၣ်ကလုာ်,ဖံးညၣ်အလွဲၢ်,သွံၣ်ထံး,သွံၣ်ထံးတၢ်တူၢ်ဘၣ်,မုၣ်ခွါက့ၢ်ပနီၣ်,ထံကီၢ်အခီၣ်ထံးခီၣ်ဘိ,တၢ်ထီၣ်ပှၢ်တၢ်အိၣ်သး, သးနီၢ်ခိတလၢတပှဲၤတဆူၣ်တချ့,တၢ်ဖီၣ်ဃာ်တၢ်မၤနီၣ်,တၢ်စံၣ်ညီၣ်လၢမၤကမၣ်သဲစးအတၢ်မၤနီၣ်,တၢ်လီၤစၢၤလီၤသွဲၣ်,ဟံၣ်ဖိဃီဖိတၢ်အိၣ်သး(လၢဟံၣ်ဃီအဂီၢ်ဧိၤလီၤ). တၢ်ပာ်တၢ်ဂ့ၢ်တၢ်ကျိၤလၢတၢ်ခူၣ်သူၣ်န့ၣ်တၢ်ဒီသဒၢအီၤလီၤ. ပှၤတဂၤလၢ်လၢ်လၢအအိၣ်ဆိးဖံးမၤတၢ်လၢ Tompkins County န့ၣ်သူတၢ်မၤစၢၤသ့ၣ်တဖၣ်အံၤလၢတလိၣ်ဟ့ၣ်အပှ့ၤန့ၣ်သ့လီၤ.

ပှၤဂ့ၢ်၀ီခွဲးယာ်တၢ်လီၤမၤစၢၤဒီးတၢ်ကူၣ်ဘၣ်ကူၣ်သ့

ပမၤကဲထီၣ်ဒီးရဲၣ်ကျဲၤပၢဆှၢ County-ဒီတဘ့ၣ်တၢ်ရဲၣ်တၢ်ကျဲၤတဖၣ်လၢတၢ်ကမၤအါထီၣ်တၢ်သ့ၣ်ညါဘၣ်ထွဲဒီးပှၤဂ့ၢ်၀ီခွဲးယာ်,ပှၤဂ့ၢ်၀ီတၢ်တီတၢ်တြၢ်တၢ်ဂ့ၢ်တဖၣ်,ကမျၢၢ်အတၢ်ပာ်ဃုာ်ဒီးမူဒါန့ၣ်လီၤ. လၢတၢ်ကမၤထီၣ်ဘးတၢ်အံၤအဂီၢ်,TCOHR မၤသကိးတၢ်ဒီး County,လီၢ်က၀ီၤ,ခိခိၣ်ဒီးကီၢ်စဲၣ်ပှၤမၤသကိးဃုာ်တၢ်တဖၣ်ဒီးပှၤဘၣ်မူဘၣ်ဒါတဖၣ်လၢတၢ်ကမၤတၢ်တဲသကိး,ပှၤတ၀ၢတၢ်တၢၣ်ပီၣ်တၢ်ဂ့ၢ်,တၢ်မၤလိသကိးတၢ်,ကရူၢ်တၢ်ဖး,တဲသကိးတၢ်ဒီးတၢ်ရဲၣ်တၢ်ကျဲၤအဂၤတဖၣ်လီၤ.

ပှဲၤတၢ်လီၤတံၢ်တၢ်သုးထီထီၣ်ဟံၣ်ဃီအိၣ်ဆိးလီၢ်လၢအတီအတြၢ် (Affirmatively Furthering Fair Housing, AFFH)

Tompkins County မၤကဲထီၣ်တၢ်မၤသကိးတၢ်ဒီး CNY ဟံၣ်ဃီအိၣ်ဆိးလီၢ်အတီအတြၢ် (CNY Fair Housing), ခိခိၣ်တၢ်ကရၢကရိလၢအအိၣ်လၢ Syracuse, လၢတၢ်ကပာ်ဃုာ်လၢတၢ်ကူၣ်ဘၣ်ကူၣ်သ့ဒီးတၢ်လီၤမၤစၢၤဃုာ်ဒီး County အ၀ဲၤကျိၤဒီးကမျၢၢ်လၢတၢ်ဃုထၢပာ်တဖၣ်လၢအဘၣ်ထွဲဒီးဟံၣ်ဃီအိၣ်ဆိးလီၢ်လၢအတီအတြၢ်အဂ့ၢ်လီၤ. TCOHR န့ၣ်မ့ၢ်၀ဲၤကျိၤလၢတၢ်ဃုထၢပာ်လီၤလၢကမၤတၢ်လိၤလိၤဃုာ်ဒီး CNY Fair Housing လၢကကရၢကရိထီၣ်ဒီးသ့ၣ်ဆၢဖးကတီၢ်လၢတၢ်ရဲၣ်တၢ်ကျဲၤတဖၣ်အံၤအဂီၢ်လီၤ. ကမျၢၢ်အမူးတဖၣ်တၢ်ကဒုးသ့ၣ်ညါဆိအီၤလၢတၢ်အိၣ်ဖှိၣ်ဒ်န့ၣ်တဖၣ်အဂီၢ်လီၤ.

တၢ်ဖံးတၢ်မၤဂံၢ်သဟီၣ်တၢ်အါမံၤဒီးတၢ်ဒုးပာ်ဃုာ်အကမံးတံာ် (Workforce Diversity and Inclusion Committee, WDIC)

OHR ဟ့ၣ်၀ဲဒၣ်တၢ်ရဲၣ်ကျဲၤပၢဆှၢအတၢ်မၤစၢၤဒီးဟ့ၣ်လီၤစဲၣ်နီၤတၢ်သ့တၢ်ဘၣ်ဆူ County အတၢ်ထဲးဂံၢ်ထဲးဘါလၢတၢ်ကမၤလၢပှဲၤထီၣ်အ တၢ်ဖံးတၢ်မၤဂံၢ်သဟီၣ်အတၢ်နဒ်သိးလိာ်အသးဒီးတၢ်ဒုးပာ်ဃုာ်ဖီလစံၣ်လီၤ. 

၀ဲၤဒၢးအနၣ်ရံၣ်

M-F 8:30 A.M.-4:30 P.M.
120 W. Martin Luther King, Jr. Street, Ithaca, NY 14850
လီတဲစိ- 607-277-4080              ဖဲး(စ)- 607-277-4106

ဘၣ်သူၣ်ဘၣ်သးပှၤဒီးအိၣ်ချုးခံဒီးတၢ်အိၣ်သး