လၢတၢ်ဂ့ၢ်တၢ်ကျိၤဆူညါအဂီၢ်ဆဲးကျိးဘၣ်-
Chris Laverack ဖဲ 607-274-6688
စၢၢ်ပှာ်တၢ်မၤကွၢ်အဆိအတၢ်ရဲၣ်တၢ်ကျဲၤလၢတၢ်ဟ့ၣ်ကလီ- $1.5 ကကွဲၢ်ကီၢ်စဲၣ်အတၢ်ရဲၣ်တၢ်ကျဲၤလၢတၢ်ကမၤကွၢ်လီၢ်အိၣ်ဆိးထံးထံအီ
(ITHACA, N.Y., မာ်ရှး 7, 2017) —New York State Department of Health, NYSDOH (နူးယီးကီၢ်စဲၣ်တၢ်အိၣ်ဆူၣ်အိၣ်ချ့အ၀ဲၤကျိၤ)ဘိးဘၣ်ရၤလီၤ၀ဲဒၣ်လၢအစးထီၣ်၀ဲဒၣ်တၢ်ရဲၣ်တၢ်ကျဲၤမၤကွၢ်ဆိတခါလၢတၢ်ကမၤကွၢ်၀ဲဒၣ်စၢၢ်ပှာ်လၢထံအီအကျါန့ၣ်လီၤ. တၢ်ရဲၣ်တၢ်ကျဲၤအံၤအိၣ်၀ဲဒၣ်လၢလီၢ်အိၣ်ဆိးထံဖိတဖၣ်လၢအန့ၢ်ဘၣ်ထံလၢအနီၢ်ကစၢ်အထံပူၤမ့တမ့ၢ်ကမျၢၢ်အထံလၢပဒိၣ်ဟ့ၣ်လီၤန့ၣ်လီၤ. တၢ်ရဲၣ်တၢ်ကျဲၤတခါအံၤတၢ်ဟ့ၣ်ကလီအီၤဆူလီၢ်အိၣ်ဆိးထံးဖိလၢအပှ့ၤတအိၣ်,ဒီးပျဲပှၤကိးဂၤဒဲးလၢကအိၣ်ဒီးတၢ်မၤန့ၢ်သူတၢ်အခွဲးအယာ်လၢစၢၢ်ပှာ်အတၢ်မၤကွၢ်ဖဲအ၀ဲသ့ၣ်မ့ၢ်ဃုထၢ၀ဲအခါန့ၣ်လီၤ.တၢ်ရဲၣ်တၢ်ကျဲၤကစးထီၣ်အသးဖဲဖ့ၤဘြူၤအါရံၤ 2017 ဒီးကလဲၤအသးဆူညါဖဲကျိၣ်စ့တၢ်မၤစၢၤမ့ၢ်အိၣ်ဒံး၀ဲဒၣ်ဆူညါအခါန့ၣ်လီၤ.
လီၢ်အိၣ်ဆိးထံးဖိလၢအသးအိၣ်မၤကွၢ်အ၀ဲသ့ၣ်အထံန့ၣ်တၢ်ဟ့ၣ်သဆၣ်ထီၣ်အီၤလၢအဆဲးလီၤမံၤဖဲ NYSDOH အပှာ်ယဲၤသန့အလိၤ မ့တမ့ၢ်ခီဖျိတၢ်ကိး၀ဲဒၣ် Bureau of Water Supply Protection (တၢ်ဟ့ၣ်ထံအတၢ်ဒီသဒၢအ၀ဲၤလီၢ်) ဖဲ 518-402-7650 န့ၣ်တက့ၢ်. နီၢ်တဂၤစုာ်စုာ်လၢအဃ့ထီၣ်တၢ်မၤကွၢ်ကဃုထၢတၢ်မၤကွၢ်အဒၢးလၢအပာ်ဃုာ်ပာ်ဂီၢ်တခါလၢကဟ့ၣ်တၢ်ဒၢဒီးတၢ်နဲၣ်ကျဲလၢတၢ်ကဟံးန့ၢ်တၢ်အဒိတဖၣ်ဒ်လဲၣ်အဂ့ၢ်လီၤ.တၢ်အဒိတဖၣ်တၢ်ကဘၣ်ဆှၢအီၤဆူတၢ်မၤကွၢ်အဒၢးဖဲတၢ်ကမၤကွၢ်အ၀ဲသ့ၣ်ဒီးတၢ်အစၢတဖၣ်န့ၣ်တၢ်ကဆှၢက့ၤအီၤလိၤလိၤဆူပှၤလီၢ်အိၣ်ဆိးထံးဖိတဖၣ်အအိၣ်န့ၣ်လီၤ.
Free Lead Testing Pilot Program (စၢၢ်ပှာ်တအိၣ်တၢ်မၤစၢၤအီၤတၢ်ရဲၣ်တၢ်ကျဲၤတစိၢ်တလီၢ်)အတၢ်ပညိၣ်မ့ၢ်တၢ်ကဟ့ၣ်သဆၣ်ထီၣ်နီၢ်တဂၤစုာ်စုာ်လၢအကဟံးဖီၣ်မၤတၢ်လၢအဖိးမံကတၢၢ်ဖဲတၢ်မ့ၢ်ထံၣ်န့ၢ်စၢၢ်ပှာ်လၢအထံအီအကျါအခါန့ၣ်လီၤ. စၢၢ်ပှာ်မ့ၢ်ထးဂာ်လၢအစုၣ်အိၣ်လၢလီၤဆီဒၣ်တၢ်ကဲတၢ်ဘၣ်ဒိဘၣ်ထံးလၢခိၣ်နူာ်အတၢ်ဒိၣ်ထီၣ်ထီထီၣ်ဒီးနၢၣ်အသနူလၢဖိသၣ်လၢအသးအိၣ်ဃုနံၣ်ဆူအဖီလာ်ဒီးပိာ်မုၣ်လၢအဒၢတဖၣ်အဂီၢ်န့ၣ်လီၤ. စၢၢ်ပှာ်န့ၣ်တၢ်ထံၣ်န့ၢ်အီၤလၢပခိၣ်ဃၢၤတၢ်လီၢ်၀း၀း,သနာ်က့ဂံၢ်ထံးအခိၣ်သ့ၣ်လၢတၢ်အိၣ်ဘၣ်လၢစၢၢ်ပှာ်အကျါလၢဟံၣ်ပူၤဃီပူၤန့ၣ်ကဲ၀ဲဒၣ်ခီဖျိကသံၣ်ဖူလၢအလီၢ်လံၤဒီးဟးဂီၤတဖၣ်အအိၣ်န့ၣ်လီၤ.တၢ်မၤကွၢ်ထံအတၢ်ရဲၣ်တၢ်ကျဲၤလၢတၢ်ဟ့ၣ်ကလီအီၤပျဲ၀ဲဒၣ်လီၢ်အိၣ်ဆိးထံးဖိတဖၣ်လၢကမၤတၢ်ဆၢတဲာ်လၢအအိၣ်ဒီးတၢ်ဒုးသ့ၣ်ညါတၢ်ဂ့ၢ်တဖၣ်လၢအဘၣ်ဃးဒီးအ၀ဲသ့ၣ်အထံအီလၢတၢ်ကဒီသဒၢအတၢ်အိၣ်ဆူၣ်အိၣ်ချ့ဒီးအဟံၣ်ဖိဃီဖိတဖၣ်အဂ့ၤကတၢၢ်န့ၣ်လီၤ.
ပှာ်ယဲၤသန့ဃုာ်ဒီးတၢ်ဆဲးလီၤမံၤဒီးတၢ်မၤကွၢ်အဒၢးလၢအပာ်ဃုာ်ပာ်ဂီၢ်အစရီအလၢအပှဲၤ health.ny.gov/environmental/water/drinking/lead/free_lead_testing_pilot_program.htm
လၢဂံၢ်ထံးဆူညါဘၣ်ဃးစၢၢ်ပှာ်အစုၣ်အပျၢ်ထီၣ်အတၢ်ဒီသဒၢအဂီၢ်-
• TompkinsCountyNY.gov/health
• health.ny.gov/environmental/lead/
